Novruz bayramı “Havana” televiziya kanalında

Azərbaycanın Kubadakı səfirliyi və bu ölkənin Radio və Televiziya Təşkilatının birgə dəstəyi ilə “Havana” televiziya kanalı Azərbaycanın tarixi və mədəniyyətinə həsr edilmiş “Odlar Yurdu Azərbaycan” adlı on hissədən ibarət sənədli filmin çəkilişlərinə başlayıb. Sənədli filmin ilk hissəsinin xalqımızın əziz bayramı olan Novruz bayramına həsr edildiyini nəzərə alaraq, fevralın 21-dən başlayaraq ölkəmizdə bayram şənlikləri ilə qeyd edilən hər çərşənbə axşamlarında Kubanın televiziya və radio kanalları vasitəsi ilə reportajlar verilib, Novruz bayramının adətləri geniş təbliğ olunub.
Azərbaycan ilə Kuba arasında diplomatik əlaqələrin qurulmasının 25 illik yubileyinin qeyd edilməsi ilə bağlı həyata keçirilən hazırkı layihə çərçivəsində martın 14-də Kubanın “Havana” televiziya kanalının gün ərzində efirə getmiş xəbərlər proqramlarında Azərbaycanda İlaxır və ya Torpaq çərşənbəsinin adətlərindən bəhs edən növbəti reportaj nümayiş olunub.
Reportajda Azərbaycan Prezidenti İlham Əliyev və ailə üzvləri də başda olmaqla, bütün Azərbaycan xalqının hər il Novruz bayramını böyük sevinclə qeyd etdiyi bildirilib. Bildirilib ki, hazırda odlar yurdu Azərbaycanda sülhsevərliyi və təbiət sevgisini özündə əks etdirən Novruz bayramının gəlişindən xəbər verən sonuncu Torpaq çərşənbəsi qeyd olunur.
Azərbaycanın Kubadakı müvəqqəti işlər vəkili Cavanşir Salehov “Havana” televiziya kanalına müsahibəsində Novruz bayramının çərşənbə axşamları, xalqımızın özünəməxsus adətləri haqda bəhs edib.
Novruz bayramının Azərbaycan xalqına məxsus adətləri barədə reportajların Kubanın televiziya və radio kanalları vasitəsilə yayımlanması davam edir. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə