Bakı Turizm Peşə Liseyində plov festivalı keçirilib

Martın 15-də Mədəniyyət və Turizm Nazirliyinin dəstəyi ilə Azərbaycan Turizm və Menecment Universitetinin nəzdindəki Bakı Turizm Peşə Liseyində plov festivalı keçirilib.
AZƏRTAC xəbər verir ki, festivalın keçirilməsində əsas məqsəd Azərbaycan mətbəxini təbliğ etmək, tələbələrə xalqımızın milli mətbəx nümunələrinin hazırlanma qaydalarını, mətbəx mədəniyyətini və süfrə etikasını öyrətməkdən ibarətdir.
Festivalda çıxış edən mədəniyyət və turizm naziri Əbülfəs Qarayev dünyanın hər yerində mətbəx nümunələrinin insanların dünyagörüşünün, mənəvi aləminin, psixologiyasının və əxlaqının göstəricisi olduğunu söyləyib. Zəngin ənənəyə malik olan xalqımızın hər bölgəsinin özünəməxsus yemək mədəniyyətinin mövcudluğunu vurğulayan Ə.Qarayev Azərbaycan mətbəxinin şah yeməyi olan plovun 200-dən artıq növünün təsdiq edildiyini diqqətə çatdırıb.
Əbülfəs Qarayev belə festivalların ölkəmizdə təşkil olunan beynəlxalq tədbirlər, yarışlar müddətində, eləcə də “shopping festival” (ticarət festivalları) zamanı keçirilməsinin vacibliyini xüsusi olaraq qeyd edib.
Tədbirdə liseyin direktoru Neylüfər Kərimova çıxış edərək plovsevər ölkəsi olan Azərbaycanda plova xüsusi qiymət verildiyini söyləyib. Ölkəmizin rəngarəng təbiəti kimi plovun da müxtəlif çeşidlərlə təqdim edildiyini bildirib.
Vurğulanıb ki, Novruz ərəfəsində ənənəvi olaraq plov festivalının keçirilməsində məqsəd tarixi və mədəni irsin beynəlxalq mərkəzlərindən biri olan Azərbaycan mətbəxini təbliğ etməkdən ibarətdir.
Tədbirdə Azərbaycanın əsasən 9 regionuna məxsus plovlar təqdim olunub.
Festivalda Qarabağ, Şirvan, Qazax-Gəncə, Quba-Xaçmaz, Bakı və digər regionların “Şah plov”,“Səbziplov”, “Şüyüd plov”, “Fisincan plov”, “Boranı plov”, “Müntəncəm plov” və digərləri daxil olmaqla 20-ə yaxın növdə plov nümayiş edilib.
Müxtəlif regionların folklor musiqisi və rəqslərinin səsləndiyi tədbirdə aşpazlar yeməkləri qonaqlara milli geyimdə təqdim edib. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə
Nailiyyətlərimiz rəqəmlərdə