UNESCO-nun Ümumdünya İrs Komitəsinin 41-ci sessiyası Krakovda keçiriləcək

Polşa Baş nazirinin müavini, mədəniyyət və milli irs naziri Pyotr Qlinski Parisdə UNESCO-nun Ümumdünya İrs Komitəsinin 41-ci sessiyasının Krakovda təşkil edilməsi barədə saziş imzalayıb.
P.Qlinski hesab edir ki, bu tədbirin Krakovda təşkil edilməsi Polşa üçün böyük etimaddır. O, bu sözləri saziş imzalanandan sonra Polşa radiosuna müsahibəsində söyləyib. Nazir deyib ki, bu addımlar Polşanın BMT Təhlükəsizlik Şurasının qeyri-daimi üzvü seçilmək səylərinin tərkib hissəsidir.
P.Qlinski qeyd edib ki, builki sessiya hərbi əməliyyatların vurduğu ziyan və ekstremizmin mədəni irsi təhdid etməsi məsələlərinə həsr olunub. Polşalı nazir, xüsusən Suriyada tarixi abidələrin zərər çəkdiyi Hələb və ya Palmira şəhərlərini nümunə gətirib.
Sessiya iyulun 2-dən 12-dək keçiriləcək.
Ümumdünya İrs Komitəsinin sessiyası 1972-ci il tarixli Dünya Mədəni və Təbii İrsinin Qorunub Saxlanılması haqqında Konvensiyanın tədqiqinə dair 21 üzv dövlətin nümayəndələrinin ənənəvi görüşüdür. Konvensiyanın iştirakçısı olan 170 ölkənin hökumət nümayəndə heyətləri görüşdə müşahidəçi qismində qatılırlar. 

Azərbaycan Himni
Azərbaycan! Azərbaycan!
Ey qəhrəman övladın şanlı Vətəni!
Səndən ötrü can verməyə cümlə hazırız!
Səndən ötrü qan tökməyə cümlə qadiriz!
Üçrəngli bayrağınla məsud yaşa!
Üçrəngli bayrağınla məsud yaşa!

Minlərlə can qurban oldu,
Sinən hərbə meydan oldu!
Hüququndan keçən əsgər,
Hərə bir qəhrəman oldu!

Sən olasan gülüstan,
Sənə hər an can qurban!
Sənə min bir məhəbbət
Sinəmdə tutmuş məkan!

Namusunu hifz etməyə,
Bayrağını yüksəltməyə
Namusunu hifz etməyə,
Cümlə gənclər müştaqdır!
Şanlı Vətən! Şanlı Vətən!
Azərbaycan! Azərbaycan!
Azərbaycan! Azərbaycan!
Musiqisi: Üzeyir Hacıbeyovun
Sözleri: Ehmed Cavadındır
Gənc Mədəniyyət Işçilərinin Koordinasiya Kreativ Qrupu sosial şəbəkələrdə